José Manuel Suárez Parades

José Manuel en el centro rodeado de la parroquiana y de las mujeres que participaron en la procesión del Cristo de Biedes
 
Parroquiano del año 2007

 

JOSÉ MANUEL SUÁREZ PARADES. Foi el primeru de los fíos de Maruja y Arnaldo y vieno al mundo en Ca’Justo de Parades. Siguiéronlo dos hermanus. Desde rapacín rellumbró po’l su bon talante, po’la imaxinación que ponía nes coses, por mirar po’los amigos, que’ntovía atesora. Cuando yera chavalín dio-i por facer, xunto con otros rapazos de Biedes, el grupo cultural PABIMA, que alitó la vida tanto de neñus comu de vieyos, y del que toos guardamos bona alcordanza, llegando a facer tamién n’una ocasión la fiesta’l Cristo. Manolo fue aprendiz de la fábrica d’armes de Ovieu y lluego fundó una empresa, Daseni, que dedícase a installaciones eléctriques, la que tien agora 14 persones na plantilla. Tien abondo trabayu, demasiu n’ocasiones, pero esu nun-i quita de buscar tiempo pa collaborar coles fiestes d’aquí y del conceyu, ¿acordaisvos de aquella vez que fixo un monólogo de les chaquetes? ¿O de aquella pandorga en Parades? ¡Cuánto nos rimos con él! Manolo ye pioneru en defender la hestoria y la cultura de Les Regueres, durante añus dedicó parte de les sus ganancies en facer unos callendarios con un poco d’esa hestoria en cad’un. Collaboró tamién n’el centenariu del pasau añu; siempre que hay dalgo n’el conceyu, en la midida qu’él pueda, allí tá, como amagostando castañes nel festival de les Valdunes. Consigue tolos años xuntar a los vieyus amigos en comides y cenes d’amistá. Nun sabemos cómo se les apaña pero tien un gran poder de convición. Ye esti compromisu cultural y de collaboración continua el que lo fai merecedor d’esti nombramientu. Casóse con Belén tamién n’abril y ¡vaya folixa-i organizaron los amigos! Onde las dan las toman. Tien dos fíus, al pequeñu pusoi de segundes el nome de Martín, el nuestru patrón. Sólo tien una pega, que agora la muyer ye conceyala de igualdá. ¡Cuidau, Manolín, que agora sí que va ponete en sitiu!

Gustái la folixa, les bromes, el fútbol, la familia, los amigos, la conversación, esta parroquia y esti conceyu. Nun podemos citar a los amigos perque son munchos, eso da idea del su bon carácter, de que nun pasa desapercibío por onde va, que dexa huella. ¡Qué sigas así, que nun te falte nunca esi otimismo que lleves dientro, qué sigas creyendo nes presones.

Comments